2007北海道 + 東京之旅 day 3

2007年7月10日 (晴)

今朝起身見到個天, 真係好, 又係好天, 希望跟住落黎d天氣都係好天啦

今日 plan 左去 "時計台", "北海道廳舊本廳" "大通公園" 同埋"白之戀人"....

未出發前, 係酒店影返幾張相先, 費事聽日臨急臨忙唔記得 

由酒店行去 "時計台" 都好快, 可能天氣好啦, 又容易搵.....

去到 "時計台", 已經見到個台階, 個台階作用係專 for 遊人影相用架, 企左上去可以影多d個 "時計台", chloe 今朝依然唔願落 bb 車, 所以呢個景點冇佢份 lu....原來 "時計台" 果度有位伯伯幫人影相架, 佢好好人, 仲幫你就埋位, 等你可以影多d 個"時計台"..............不過影出黎嘅效果就朦朦地

因為我地冇入到 "時計台" 內參觀, 所以影完相就去"北海道廳舊本廳", 入去 睇下歷史都幾好架........

之後我地仲去左雪印食雪糕, 我地點左 芭菲食, 不過麻麻地, 我諗一杯杯單球雪糕or 普通軟雪糕會好味d........令我諗番起小樽果杯雪糕呀, 真係好味, 又香奶味又滑

一路坐底食雪糕一路 plan 行程, 雖然果一刻唔係好肚餓, 但因為 plan 左下午去 "白之戀人", 又唔想 marcus 同埋 chloe d lunch 時間亂, 所以都係決定食埋 lunch 先去....

今日 plan 左去食 "根室花", 又係好易搵, 係"時計台" 附近, 一入到去, e.....唔太多人咋bor, d staff 就帶我地坐低喇......睇下個 menu 先,  d 壽司唔貴 bor, 我地就開始點野食, 下面呢個係個 set 黎架, 唔係好記得幾 $$$, 不過一定平過小樽 "政壽司", 但係我地就覺得好味d 我地仲點左d散嘅, 一樣咁好味, 我地講過, 下次再黎北海道, 一定會再黎 "根室花"

 

食飽之後, 我地就去大通公園行個圈, 買左個好甜嘅粟米食, 可惜 chloe 又係訓著左, 食唔到佢鐘意食嘅粟米 lu, 亦唔可以同埋哥哥係大通公園跑來跑去......

搭車去到 "宮之沢" 站, 一出站.....嘩, 好舒服呀, 沿路行去白之戀人都係見得好少人, 條街冇乜人, 冇乜車, 個天氣又好, 可以移民黎呢度都唔錯 bor

行左5-7 mins 左右, 已經見到 白之戀人喇, 好大間, 一入門口已經好有童話 feel, 一間間細細間嘅屋仔, 裡面仲有d細細件嘅家俬, 雖然舊d, 但都好可愛......

chloe 起左身喇, 可以係影多d相 lu.......

影完一輪門口景, 跟住就坐左係出面個花園買蜜瓜雪糕食, um.....都唔錯 bor, 突然聽到鐘聲響起, 原來有好多係屋頂嘅公仔係度演奏同埋識得郁架, 好好睇呀......

呢個白之戀人真係有好多人黎參觀, 我地仲見到好多香港遊客,一批批座旅遊巴走 tim......

跟住, 我地買左飛入去參觀朱古力廠, 幾得意架, 有製造朱古力個步驟比你睇, 又有好多朱古力製成品, 仲有得睇真人製造 "白之戀人" 朱古力餅 tim.....

之後我地去左cafe食左個 tea.....明明記得有人介紹有 tea set架, 但去到問, 又話冇 wor, 唔緊要啦, 一場黎到, 點都要叫杯 coffee 同叫件餅食下........唔錯, d 野食有水準, 又有個靚 view, 呢個下午好舒服

 

臨走就梗係要去買曲奇餅啦

係 "白之戀人" 都消磨左成3個鐘咁制, 離開時都已經下午4點幾 lu....

搭地鐵返札幌......

今晚我地 plan 左食 "蝦蟹合戰".....好期待, 佢地係係2小時內任食架, 諗起都想快d去, 可惜...... (下面再講...).

未去食飯之前, 我諗住去下 shopping 先 去左 0101/mitsubishi 睇, 不過......唔知係咪已經個心15/16 唔知好唔好 resign, 所以都冇乜心機去揀返工衫, 去 睇 jelly bean 鞋, 睇唔 arm, tc 果d減價鞋又睇唔 arm, agnes b 袋又係唔 arm 心水....冇收獲 tim

行到去狸小路已經差唔多7點喇, 都係 食飯先, 諗住食個零鐘左右返黎再行都仲有時間, 點知.......... (下面再講...)

講返去食飯喇......去到"蝦蟹合戰" 塵 building後 (我地係去分店, 聽d網友話分店好味d同埋 service 好d), 架 lift 竟然上唔到去果層, 問過之後, 原來 arm arm 執左吓, 唔係下嘛, 我地專登遠道而來架

諗住去總店, 點知老公話搵得黎就夜, 不如去蟹將軍啦, 因為係附近, 但係蟹將軍會貴好多wor.....

最後, 都係去左蟹將軍, 安排左我地係樓上一間房, 初初有2台日本人, d 日本人走哂之後就全部都係 香港人 電視同埋廣告宣傳真係唔講得笑......

我地睇左個 menu 後就叫左2個 set, um.........d蟹真係好新鮮同埋好好味老公同 marcus 仲食到冇停口 tim

係我地食食下期間, 有一對夫婦坐左係我地隔離台, 原來佢地又係好似我地咁自駕遊去富良野, 美瑛一帶玩, 傾下傾下都唔覺時間, 個男人又識睇下相, 免費講下 marcus 同埋 chloe , 都有dd準 bor......

講下食下都成2個幾鐘, 望下錶已經9點幾喇, 再去狸小路, d 舖頭都 close 哂喇, 又冇得行街

冇得行街, 唯有座的士返酒店啦, 因為第二朝一早 check out 後就要去 mazda 租車 office 攞車喇.......好緊張呀

2007 北海道 + 東京親子之旅嘅遊記內冇 post 哂所有相片出黎 .....

下面 2 條 link (webshots 相簿) 可以睇番哂 d 相  :

http://good-times.webshots.com/album/560006631QLPXMh

http://community.webshots.com/slideshow/560006631QLPXMh?mediaPosition=3

2007北海道 + 東京之旅_day 2

2007年7月9日 (晴)

起身梳洗後就去 JR 站買飛去小樽, 點知掛住影相就差左1分鐘 miss 左班車

 老公話唔緊要啦, 自由行 free d, 時間可以自己控制.....

出左小樽車站, 已經感覺到好舒服, 雖然好曬但有微風吹住, 感覺好好, 而且路上行人唔多, 車又唔多, 又冇高樓大廈, 同香港真係倆個世界

見到有觀光巴士, 不過我地決定自己行下...

我地跟住地圖, 一出車站向前行一段路就係小樽運河, 未到運河之前, 有1個已經荒廢左唔再用嘅路軌, 我地就係呢度影左幾張相

沿路仲見到人力車, 不過d車佚全部都係年青力壯嘅男仔, 佢地拉住d日本人係度行, 我諗係圍繞一週啦...又見到有小馬車停係街邊

行到去運河喇, 雖然唔係雪景, 又唔係夜晚燈火通明, 但都幾靚, 我地當然即刻走埋去影相啦, 可能唔係 weekend, 唔係太多人,  淨係見到有旅行團, 但都唔係太多人, 所以唔駛等其他人行開就可以行埋倆邊運河影相....

影完相我地沿住大街行下附近嘅商店, 就係呢個時候, chloe 係都要揸住部細相機係度影, 我咁 arm 望左去第二邊, 佢跑2步就突然趺底, 仲要係面向地

一睇已經趺損左個咀喇

我地入左雪印食雪糕, 嘩......呢杯雪糕好好味, 又滑又香又好重牛奶味

 (我覺得係我係北海道食過最好味嘅雪糕, 薰衣草雪糕第2啦

)......e.....唔見左張相ge

????!!!!

食完雪糕就一路行, 依然唔多人, 感覺好好......沿路都係旅遊書介紹過嘅景點, 當然入去睇下啦.....

見到有密瓜wor, 即刻買黎食, 真係好甜又多汁

, 行過隔離, 見到有檔未開嘅燒烤店, 不過未開始, 唯有返轉頭先食燒帶子啦....

行行下, 見到間 cafe 好似唔錯咁, 老公話想坐低 tea, 我地叫左 lemon tart & 凍咖啡.....唔.....麻麻地啫, 仲要價錢唔平 

我地行到去北一硝子館, 入去館內睇左一陣就走喇, 可能我地興趣不大....

沿路行就去到 meruhen 十字路口, 本來想影張相, 但太多人坐左係度, 影唔到....

過對面馬路就見到"夢之音", 裡面有好多公仔野賣, 有 snoopy, 龍貓, hello kitty, mickey, winnie the pooh 等等, marcus 入到去係咁影相, 好搞笑

 

 我係度都買左北海道限量版嘅 kitty 筆

"夢之音" 旁邊已經係音樂盒百貨, 裡面真係好多音樂盒, 好多款好靚..... marcus 仲自己做左個動物園音樂盒, 但逐樣計, 都唔平, 成 4xxx yen 架

我自己就買左個有3種唔同燈光(會自動轉燈光) 嘅天使音樂盒

 

因為 marcus 個音樂盒整完後仲要等30分鍾先有得攞, 所以我地去左銀之鐘食 tea, 因為係銀之鐘飲 coffee, 係可以攞埋個 hello kitty 杯走架, 當然個杯費用已經加左落個 tea set 度啦

.....係銀之鐘入面, 係有2層嘅, 上面果層飲咖啡食蛋糕, 而下面果層就係買 suvenior, 上面果層仲有隻假嘅大黑熊, chloe 唔敢行埋去, 而 marcus 咁大個就一d都唔驚, 影左張相

  (小插曲 : 係銀之鐘, 老公唔記得攞返我個黑超呀

)

tea 完, 梗係去蒸氣鐘影返張相啦

攞完 marcus 個音樂盒已經4點幾喇, 我地沿住大路開始去買手信lu

去左六花亭買士多啤利朱古力....

去左北果樓買"妖之森林"蛋糕, 楊果子 (好後悔只買左1種味....本應有3種味架, 都唔知點解當時只買一種味.....), cookie......全部都好好味

又經過燒帶子舖頭喇, 今次返轉頭終於開榴, 即刻叫左只燒帶子食....ummm... 好好味呀, 又大只又鮮甜, 老公仲即開左只海膽食, 不過佢話麻麻地....

之後就去左好多人介紹嘅 "政壽司", 之前 dl 左張 coupon, 可以免費有2客壽司, 帶子同埋魚子壽司.....我地仲叫左1個拚盤, 同埋1個天納羅.....不過, 我地一家人都覺得麻麻地咋....

食完就行返去車站搭車出札幌喇, 路經有一條好似狸小路咁嘅街 (其實日本真係好多呢種街架) 入去睇下先, 不過d舖頭都好舊下wor, 賣嘅衫亦都好老土呀 , 行過有一間精品店, 賣d野都 update d, 靚d, 入到去仲買左d煙火諗住入住 cottage himawari 時放.......

買完睇下只錶已經6點幾7點.......點解搞到咁晏嘅???!!!!我原本諗住4點左右可以出返去札幌行街架

返到札幌,個仔又話想食多次拉麵, 終於又係...................味之時計台, 不過我地今次去左第2間, 但我地覺得都係第一間好味d

2007 北海道 + 東京親子之旅嘅遊記內冇 post 哂所有相片出黎 .....

下面 2 條 link (webshots 相簿) 可以睇番哂 d 相  :

http://good-times.webshots.com/album/560006631QLPXMh

http://community.webshots.com/slideshow/560006631QLPXMh?mediaPosition=3