2008年3月8日
今日係 chloe 第一堂跳 ballet 呀.....
有d緊張, 因為之前試堂, 佢喊呀, 所以.....
我地上到去 shelly de mozz 後, 就幫 chloe 換衫, 佢心情都仲係 ok, 仲話唔會喊, 會跟住跳....
chloe 個同學仔 hazel 又係係 shelly de mozz 跳架, hazel 仲話幫我照顧 chloe tim
開始入跳舞室喇 .....我見 hazel 拖住 chloe, 2個小女孩企埋一齊
當小朋友入哂跳舞室後就關門, 我地家長只可以係出面等....
夠鐘接放學喇, hazel 出黎先, 佢同我講 chloe 一開始都喊左一陣, 不過佢同 chloe 講, 叫佢唔好喊, 如果唔係冇糖食架
跟住好快都見到 chloe 出黎喇, 佢笑住出黎, miss 都同我講話佢喊左一陣, 不過好快就冇再喊, 又跟住一齊跳
好開心
2008年3月6日
今日帶左 chloe 去 shelly de mozz 試堂, 琴日同佢行過報試堂時, 佢都仲好開心話黎, 點知....
今日一去到, chloe 見到有個同學仔喊得好犀利, 可能係咁, 又可能佢知道會同我分開, 唔知入到跳舞室係咩環境, 所以佢即時喊左出黎, 話唔入去....
陳 auntie (坐 reception) 見 chloe 係咁, 佢話叫我入跳舞室陪 chloe 一陣, 入到去, chloe 仲係有d喊, 但慢慢佢就開始坐係度跟住其他小朋友一齊做, 但叫佢出去跳, 佢又唔肯.....
之後, 我見chloe 好似 ok, 所以同chloe 講媽咪出去一陣, 佢又 ok wor, 點知...
當完課後, 我就見到 陳 auntie 抱住喊緊嘅 chloe 一齊出黎.....
一輪掙扎後, 我就決定幫 chloe 報名, 開始跳 ballet, 因為始終都會比佢試, 我又有直覺覺得 chloe 係應該 okay 嘅.....
當我同 chloe 試 ballet 群時, 佢仲望住塊鏡笑 tim.....
2008年2月1-3日
呢幾日係 marcus 第一次自己入 camp 呀.....係學校 prefect camp
其實呢個 camp 本來係07年11月舉行架喇, 但因為當時佢地學校有好多人流感, 學校為左穩陣起見, 所以 postphone 左個 camp 到今次....仲記得上次學校話 cancel, marcus 返到黎屋企喊, 我諗佢真係好重視呢個 camp, 所以上次 cancel, 佢覺得好失望....
今次去得成, 佢真係好開心, 我都為佢準備定要入 camp 需要嘅物品....
但呢幾日真係好凍呀, 市區都係得8/9度左右, 大嶼山仲會低多2/3度, 真係怕佢玩起上黎, 唔識加衫, 又怕佢沖涼時唔夠快, 會 zip 親.....
第一日去到中環碼頭, 見佢同d同學仔都玩得好投入, 相信佢人緣都唔錯
同帶隊老師了解過, 知道佢地都好有經驗, 咁都放心 d d.....
第一晚, 等到7點幾, marcus 先打電話比我, 我就問佢凍唔凍, 食左飯未等等等等, 雖然佢都逐樣答我, 但我諗佢想快d收線, 因為佢答得好快.....呢個仔都係貪玩一族
第二晚, 都係差唔多時間打比我, 都算佢有交帶啦 
呢2晚, 都有掛住個仔架, 始終第一次唔同我地一齊係出面過夜, 不過, marcus 都9歲幾, 又有老師睇住, 應該都可以比佢試下嘅, 男仔嘛........其實我最擔心都係因為天氣太凍呢樣, 其他野, 我又覺得應該冇問題嘅......
第三日朝早, 老公成日提住我夠鐘出門口喇, 我諗佢都掛住個仔, 不過佢成日都話, 男仔應該要獨立 d......
呢幾日, chloe 都有問住我地哥哥呢 ? 我地咪話哥哥入左 camp law, 佢話好快番架, 我地話係架
去到碼頭等左一陣就見到班船喇, 見到d小朋友慢慢行出黎, marcus 都仲係同d同學仔係度傾緊計, 唉......
問佢攰唔攰, 佢話唔攰, 所以我地同佢去食d野先, 食食下佢已經想訓咁.....仲話唔攰 tim, 玩3日, 點會唔攰吖, 所以快快食完就返屋企 lu....
當晚, 我地同佢傾返呢幾日發生嘅事, 佢都滔滔不絕係咁講, 佢仲話唔捨得d同學
2008年1月20日 (晴)
今日約埋 ruby 一家 同埋 karen 一家去大埔摘 strawberry 呀.....
我地去到個 strawberry 園 ....... 唔係好大咋 bor, 不過因為冇乜人, 所以唔駛同人逼, 真好
因為係泥地, 所以呢度已經準備左好多膠袋比我地包住對鞋黎行
marcus 一去到, 已經急不及待去攞 "稍機" 同埋 scissors 喇......
轉眼間已見佢摘左好多粒喇, 原本諗住一家人用一個 "稍機", 但 marcus 已經行到好遠喇, 我地唯有攞多個 "稍機" 同老公/chloe 摘啦....
chloe 見到d strawberry 好開心呀, 因為佢好鐘意食架, 一路行就一路同我地講 : 媽咪, 呢度有好大粒呀, 呢度呢粒好紅呀, 呢度有好多呀........
摘下摘下已經成個 "稍機" 滿哂喇, 但好似 30 mins 都冇wor
叫埋 marcus 過黎, 諗住去磅下比 $$$, 點知一磅....有成4磅呀
摘完 strawberry 就去左 雲泉仙館 行下, 又係急不及待洗左d strawberry 黎食, 都幾甜
雲泉仙館 :
影下相就搭車去大埔公園, 因為 d 小朋友想踩單車呀, 我地仲上左去回歸塔行下....
回歸塔 :
夜晚,我地去左 "元氣" 食壽司, 飽飽後就返屋企食我地摘嘅 strawberry lu......
12月30日 (晴)
今日係我地係今個 x'mas 第3次黎 op 喇, 不過今次有埋 daddy 一齊去
今日係特登入黎睇冰雪溜冰同埋入去睇 又係半日 ......
個冰雪溜冰真係好好睇
chloe 第一次睇冰 咋....幾驚佢會凍呀, 好彩著左羽 佢都話 ok.....同哥哥影番張相先
12月27日 (晴)
今日第2次入黎 op 喇........
上次淨係去左兒童王國, 冇去睇海洋劇場同埋鯊魚館果d......所以今日又入黎 op, 滿足下 marcus, 不過, chloe 話又要去睇熊貓呀, 所以又去睇一次, 今次要排長龍入 lu, 但今次逢安安佳佳都出埋黎 bor, chloe 最開心啦.....
另外, 我地去左呢個係睇世界各地嘅 x'mas....., 叫姐姐幫我地影返張相先....
12月21日 (晴)
今日約埋 chloe d 同學仔 hazel/菲菲 一齊入 op 呀, 今日係第一次入 ....
我地今日去左睇熊貓同埋兒童王國....都玩左半日 lu
註 : 有 annual pass 真好, 唔駛一日入要玩/睇哂, 一日玩/睇哂...真係好攰架
