2007年10月2日
今日上學校接 chloe.....睇住佢搭住其他同學仔博頭行出黎放學, 好得意
見佢望到我個樣, 好似覺得好奇怪又唔相信咁, 好搞笑.....
接左 chloe 後上校車, 見到佢隻手臂有個牙印, 一問之下完來佢比個同學仔咬左一啖呀
佢話係比 cherry 咬左一下, 我問佢痛唔痛, 佢話痛, 再問佢有冇喊, 佢話冇?! 問佢老師知唔知, 佢話知......都唔知邊句真.....
2007年10月8日 星期一
Chloe 第一次學校中秋 party.....
2007年9月21日 (晴)
呢排 chloe 返學都冇乜喊喇, 真係好
今日學校中秋節party, 我買左個 hello kitty 燈籠比佢, 見到佢細細粒揸住個燈籠好得意
我仲準備左d小食比佢拎返學校....
放學後我問佢開唔開心, 佢話好開心, 同老師同學仔一齊食月餅一齊玩
2007年10月7日 星期日
2007年 北海遁 + 東京之旅 Day 6
2007年 7月13日 (晴)
今朝起身......
天氣放晴喇, 心情都好, 如果琴日天氣都係咁好就好 lu.....
再檢查行李冇漏後就去食我地最後係民宿嘅早餐喇......
因為今日天氣好, 見到出面有個小小薰衣草園, 同埋見到出面好遠嘅景色, 好舒服.....
食飽後同老闆娘 check out 兼附錢, 老闆娘祝我地繼續玩得開心d, 佢地倆夫婦真係好 nice
終於同我地住左倆晚嘅民宿講 bye bye 喇, 我地全家都係第一次住民宿, 感覺好好....
因為我地坐下午機去東京, 所以今日 plan 左去 "日之出公園" 同埋揸車沿途睇下影下相咁.....
日之出公園 : 日之出公園相信最出名都係呢個 "結婚鐘" 景.....
臨離開前老公影左幾幅薰衣草近照, 佢話影果陣有蜜蜂係度彩花蜜, 佢係 冒住生命危險去影架, 真係比佢笑 c
離開日之出公園, 繼續揸車去 "旭川機場", 沿途見到有好多私家車停左係有個公園....
嘩.....可能天氣好, 有陽光, 令到呢個公園好靚, 我地見仲有時間, 都泊低架車去呢個公園行下, 影下相......
行上去, 呢個公園仲有 "大型電動三輪車" 玩架, 但都有幾多人玩, 老公怕唔夠時間, 所以都冇玩到, 另外一邊就有1個大草地, marcus 同 chloe 係度係咁跑, 好開心....
我亦見有好多日本人坐係個草原度傾下計, 望住自己d小朋友跑黎跑去.....
呢個公園叫 " kanno farm"........
我地要還車喇....要同陪左我地3日嘅 "朋友" bye bye 喇, mazda 還車處就係旭川機場附近, 好方便......
還完車, 佢地仲好細心安排左 7人車送我地去機場
好快就落到東京喇......
原本想試下用 abc courier 送行李去酒店 (係bk d 媽咪教架, 係機場登記, 再附錢, abc couier 就會幫你送d行李去酒店, 自己就可以玩完先再返酒店攞番d行李 check in),
係東京呢幾日, 我地都會住 keio plaza, check in 時已經攞埋 free ticket for 聽日去 disneyland (之前搵 "安滿運" 訂 keio plaza, 順便叫佢幫我訂定去 disneyland 嘅 free shuttle bus), 上房後, 幫我地攞行李嘅姐姐仲問我地要唔要小朋友用嘅浴衣, 牙膏/牙刷同埋拖鞋, 真係細心......其實我只係訂左 twin room, 不過好多人都話 keio plaza 比教鬆 d, 所以就算我有2個小朋友一齊入住應該都冇問題......
稍為休息15 mins 左右, 我地就出去 lu....
我地先去左 "大黑屋" 買 disneyland ticket, 大人同埋小朋友嘅票價都比係門口買平 200 yen.....
因為我地最終都冇用到 abc courier, 所以要先去酒店 check in 再去淺草, 去到已經7點, 大部份舖頭已經收左 lu.....只係影左相
當晚, 我地係酒店附近食左壽司...都幾好味
2007 北海道 + 東京親子之旅嘅遊記內冇 post 哂所有相片出黎 .....
下面 2 條 link (webshots 相簿) 可以睇番哂 d 相 
http://good-times.webshots.com/album/560006631QLPXMh
http://community.webshots.com/slideshow/560006631QLPXMh?mediaPosition=3
2007年10月5日 星期五
2007年 北海道 + 東京之旅 day 5
2007年7月12日 (陰 + 雨)
今朝6點鐘就起身喇......
不過天氣唔好......又落雨又凍
睇花要有陽光先好加嘛, 真係唔好彩, 希望晏d會有太陽啦....
雖然天氣唔好, 但都黎左, 冇理由留係民宿唔出去, 所以就叫埋老公同埋對仔囡起身, 準備去食早餐同埋出發去我地已經 plan 好嘅景點....
因為仲未夠 7:00am, 所以我地揸車去左富田農場先.......天氣真係好凍下
去到富田農場, 已經見到一片薰衣草, 一片紫色, 好靚, 即刻行埋去影返張相, 但因為真係好大風, 大雨同埋凍, 所以影張相就回程返民宿食左早餐先, 回程時 marcus 係火車頭都影左幾張相.....
民宿老闆娘話今日全日都會落雨........唉, 聽到真係唔開心呀
但都冇辦法啦, 天氣真係預計唔到.....
好,出發喇......
因為仲落緊雨, 所以老公見議去左另一面 (旭川) 嘅四季彩之丘, 果然....天氣真係慢慢好d, 雖然依然暗, 但已經冇咁大雨...
去到四季彩之丘, 有d微雨, 但就好寒下, 落車見到門口有熱粟米賣, 即刻走去買黎食, 都幾甜
食完粟米就開始我地第一個賞花景點喇, 一入去就見到倆個大稻草人, 一男一女, 好得意
沿途都有好多花, 但未係最盛放, 遲多1-2個星期黎, 應該會更靚....
發覺開得最靚嘅都係薰衣草, 一大片紫色, 有深有淺, 真係好靚.....
chloe 仲話要影d紫色花花呀, 而 marcus 就掛住擺 post 影相
四季彩之丘....有觀光車可以坐, 我地一場黎到, 梗係自己行下好....
既然黎到旭川, 梗係去埋 "旭山動物園" 啦, marcus 最開心....因為原本未必有時間黎去 "旭山動物園" 架
入左 map code 後就去發 ....... 揸車關係, 好快就到, 雖然落雨, 但仍然見到有好多人黎.....
拍好架車就入去動物園喇, 一入到去, 我地就去食d野先, 因為怕 chloe 凍, 所以叫左碗熱烏冬, 可能凍, 碗熱烏冬又熱騰騰, 覺得好好咪, chloe 仲食左好多
個動物園都好大, 有猩猩, 黑熊, 長頸鹿, 河馬等等......但最開心係去睇左企鵝, 白海獅同埋北極熊
首先講下企鵝, 呢度有3種企鵝, 其中皇帝企鵝真係好大隻.......如果同 marcus 度高, 有幾隻皇帝企鵝嘅高度已經去到 marcus 個膊頭喇
其餘果倆種, 一種就樣衰得黎幾搞笑, 另一種就冇咩特別
之後就去睇北極熊喇 ........ 好大隻呀, 佢仲係我地前面 (好近架咋) 行黎行去呀, 不過係有塊玻璃阻隔住嘅......
最後就去左睇白海獅, 不過唔太興奮....
睇哂想睇嘅動物後就走lu, 其實 "旭山動物員" 都好大, 可以玩耐d, 不過因為落雨, 搞到都冇乜 mood, 仲要離開後先醒起其中有個門口有d好大隻動物型嘅玩具比小朋友騎住行黎行去架, 我諗應該幾好玩, 激c.....不過算啦, 落住雨都可能冇得玩
上左車就出發去果醬園同埋麵包超人館......
由 "旭山動物園" 去麵包超人館都幾遠架, 揸車都要成個幾鐘先到
去到麵包超人館已經見到好多各個人物嘅石像比遊人影相, 我地當然唔放過啦, 加上天色又開始愈來愈暗, 所以都係影左相先
係門口影左相後就去左 果醬工房行下先, 裡面有好多種味道任試.......真係好香好有果肉味, 而且又唔算太甜, 但因為係玻璃樽關係, 所以只買左蜜瓜味......返香港後又係覺得買得少.....
終於入麵包超人館喇, 一入到去, 見到好 colourful, 好多好可愛嘅產品, 唔好話小朋友, 連我都比佢地吸引住呀
麵包超人館有2層, 下面一層賣產品, 樓上就有好多畫, 又有個小畫室比小朋友係度畫畫, chloe 一入去畫室就即刻自己攞顏色筆同埋畫紙畫, 仲唔捨得走 tim...
老公陪 chloe 係畫室, 我同 marcus 就走落一層睇野買野, 真係有好多....有糖果, 小食, 玩具, 衣服, 用品, 真係乜都有, 乜都想買
最後, 買左糖果, 小食, 玩具, 用品, 一大袋就離開去下一個目的地......富田農場
順帶一提....麵包超人館有係有好多香港人架....
終於又黎返富田農場喇, 雖然天氣都係唔好, 天色都暗, 但係比起今朝已經算好左....
一入去已經見到一大片薰衣草田, 有d深色d, 有d淺色d.....真係好靚
見到有薰衣草雪糕呀, 雖然凍, 但都一定要買黎試下....... 真係好好味, 又夠滑, 又有淡淡薰衣草味, 仲有牛奶香味, 好想買多個比自己食呀, 但係天氣凍, 其實食完一個行出室外, 已經覺得心都震哂, 加上比 marcus 同埋 chloe 見到, 佢地一定唔會忍得住, 為免冷親佢地, 都係唔好食喇, 不過真係一路行就一路想買多個黎食 law, 仲比老公笑我好似小朋友呀.....
行出屋仔再搵下七色花田位置, 都唔難搵 bor, 好快就見到喇, 已經見到好多花喇, 不過d 花未係開得最燦爛, 如果遲多2星期黎, 一定好靚, 加上天色唔好, 真係有小小, 小小失望......
唔緊要啦, 比個籍口我地.......要再黎呀
行完富田農場, 已經6點幾 lu, 又係時間返民宿食晚餐喇......
食完豐富晚餐後, 民宿老闆同我地講, 今晚可以玩煙火喇..... marcus 聽到好開心
雖然天氣凍, 又有d風, 但可能係第一次關係, marcus 玩煙火就玩得好開心, chloe 雖然冇得自己放, 但佢都笑到卡卡聲, 係咁話好玩呀, 好玩呀......睇見佢地真係玩得好開心
煙火放完.....要開始執返d行李準備聽日食完早餐就要離開喇.....
2007 北海道 + 東京親子之旅嘅遊記內冇 post 哂所有相片出黎 .....
下面 2 條 link (webshots 相簿) 可以睇番哂 d 相
http://good-times.webshots.com/album/560006631QLPXMh
http://community.webshots.com/slideshow/560006631QLPXMh?mediaPosition=3
2007年10月2日 星期二
Chloe 第4日返學
2007年9月6日 (晴)
Chloe 今日第4日返學喇.....
今日一落樓下已經見到 hazel係度喊緊, chloe果陣都冇乜野....
點知一見到校車, 佢就喊左出黎佢 lei 埋係我後面話唔返學, 唉.....預左
林老師就抱左2個喊緊嘅小朋友上車, 見佢倆個係車度仲喊緊......小朋友成長階段
訂閱：
文章 (Atom)