Testing

2007年7月20日星期五

2007北海道 + 東京之旅_day 1

2007年7月8日 (晴)

我地今日出發喇......目的地係北海道 + 東京

籌備左半年嘅親子之旅今日終於出發喇.....

琴晚再執埋最後要放行李嘅野.....好彩上一個星期已經執定d行李, 所以都唔算執得好夜, 未夠12點就上床訓 lu

check in 都唔算好多人.....不過唔知係咪因為 chloe 唔洗買由東京去北海道果段機票, 我見個地勤小姐搞左好耐....

我地去 burger king 先食早餐, 跟住過 immigration, 有 bb 車可以優先呀

飛機準時9:40am 起飛...

2 歲9個月的 chloe 第一次坐飛機, 所以準傭左d提子干比佢食, 好彩佢冇嗌耳仔痛 (big hug) 又因為佢訓左覺, 我要求遲d先 serve 佢飛機餐, 但係佢掂都冇掂過, 唔肯食......

2:30pm去到成田機場, 我地先攞行李再 check in 入候機室去北海道, 今次又快好多喎.....

check in 後因為冇地方去, 所以直接上候機室, 一入到去就見到有間 shop, 仲有個好大嘅 snoopy 扭蛋機, 個大仔即刻去扭左只, 唔係我最 like ge woodstock, 係 lucy.....

跟住我地就去睇下有咩買啦, 見到好多人都講 ge 香蕉蛋糕, 即係買盒黎試下...好香香蕉味, 唔錯, 略為甜左小小, 不過之後再食又唔係好覺甜喎

因為飛機要成5:30pm 先起飛, 所以喺候機室都等左好耐下, 老公同埋個大仔就係度睇電視.... "相僕" 比賽, 佢2個仲話愛上睇 tim

候機室好多外國人, 原來佢地去沖繩......陽光與海灘

飛機準時抵達札幌新千歲機場, 我地攞完行李後即刻行去買 JR票搭 JR 去札幌, 仲有2分鐘, arm arm 比我地趕到班車, 但因為班車好 full, 所以我地要補 $$$ 坐指定席.

去到札幌車站, 天氣好涼, 大概17度左右, 即刻同marcus/chloe加外套, 行左出車站, 睇地圖搵 hotel monterey sapporo, 點知行錯路, 好彩及時覺得唔係好似, 所以即刻問個年青人, 佢就講日文又手指指咁話我地知係邊, 行左一段路終於搵到喇, 如果唔係行錯路, 由札幌 jr 站行去油店約5/6分鐘左右咋......真係辛苦老公攞住咁重ge行李

去到 hotel monterey check in 後, 我地就即刻去搵 "味之時計台" 食拉麵, 因為第一次黎北海道, 都係要個搵地圖, 行左一陣先搵到....

坐底後即刻搵個waitress落 order, 我地叫左出名 ge 帶子拉麵2碗同埋一碟餃子, 老公仲叫左杯啤酒 tim, 原來北海道 d 啤酒好好飲架

又唔苦, 連chloe都尾左啖, 不過再叫佢飲, 佢話夠喎

等緊拉麵黎嘅時候, 我地張枱後面黎左1家3口香港family, 不過佢個囡囡都好大個 lu, 我諗都讀中學, 我見佢地落 order 時, 個 waitress 係一個識講普通話 ge 女仔黎架, 仲講得唔錯 tim, 之前已經聽過好多人話北海道好多食市都有人識講普通話架, 冇諗過又真係講得唔錯 bor

d 拉麵黎喇, 真係好香, d拉麵好彈牙, 帶子好大粒好鮮甜, 栗米六係好甜

唔知係d 拉麵太好味定係 chloe 好肚餓, 因為佢成日都唔係好肯食野, 我分左d拉麵比佢, 都唔細碗架, 佢一陣就食哂, 仲話再要 tim

餃子都好好味....

我地食完麵就返酒店 lu, 聽日向小樽出發~~~~~~

2007 北海道 + 東京親子之旅嘅遊記內冇 post 哂所有相片出黎 .....

下面 2 條 link (webshots 相簿) 可以睇番哂 d 相 :

http://good-times.webshots.com/album/560006631QLPXMh

http://community.webshots.com/slideshow/560006631QLPXMh?mediaPosition=3

2007年7月1日星期日

個細囡出世喇!!

2004年10月個細囡出世喇!!!

今日如常送個仔返學.....不過開始覺得個肚怪怪地, 坐係度都覺有野頂住頂住, 坐唔得耐, 雖然冇見紅, 冇穿水, 肚痛, 但個心都覺得可能係個bb想出世喇, 即刻打比e生, 講個情況比佢聽, e生都話可能係架喇, 叫我入院 check 下....

收線後, 即刻打比老公話佢知, e生叫我入院, 佢果陣開緊會, 即刻同老闆講我老婆要生 bb 喇, 要即走, 佢話番比我聽, d 同事聽到都愕左然

我就即刻去沖涼洗頭等老公返，　話定比個工人知要入院, 要佢話比個大仔知同埋睇住個大仔.....

老公返黎後都即刻沖涼, 佢話有過上次經驗, 費事要係 e 院等20個鐘wor

入到院, 姑娘幫我檢查, 佢話開到4度喇, 要留院等生......又係4度, 同個仔一樣, 會唔會又生20個鐘架

姑娘問我生第1個生左幾耐, 我話差唔多20個鐘, 姑娘話我地唔會比你生20個鐘.....咁就好喇

老公即刻幫我辦入院登記, 我就換袍入產房, 見到e生黎喇, 佢話開到4度喇, 仲唔入院....我都唔知架

e 生都換埋袍入黎喇, 有d緊張 tim...... e 生問我要唔要上痛劑, 我話唔駛, 都冇乜野 (呢句道話咁熟嘅) 我仲睇電視.....

過左一陣, 開始覺得痛喇, 仲好怏咁開始好痛, 姑娘幫我係手背插針入藥, 我痛到只手不停郁, 連支針都斷左要插過第2支.....我仲失哂儀咁係度話我想c呀......又係咁抓住姑娘件冷衫, 姑娘笑住話就係你地將我件冷衫抓到變哂形, 我都有d唔好意思, 姑娘占叫我唔好再抓佢件冷衫, 係要抓實個扶手

真係好痛好痛.....e生就係咁叫我出力, 有1刻, e生叫我唔好用力住, 因為臍帶搭住 bb 條頸, 過左好快, e 生又叫我用力, 出左力幾下, bb 就出左世喇.....事後諗返起, 真係好彩今次係我家e院生, 如果唔係, 可能要開刀喇.....今次生個細囡真係好快, 用左個半鐘, 私家 e 院生真係唔同d

e 生話個細囡幾八掛, 出世幾分鐘就開眼周圍望

係 e 院幾日, 99都唔比個大仔黎睇我同妹妹, 好唔開心呀, 好掛住個大仔呀.....

頭尾住左4日e 院, 出院喇, 帶埋 bb 返 ok喇

Marcus 4 歲 - 泰國之旅

今年個仔夠4歲, 我地一家三口同埋公公婆婆去泰國亡旅行

個仔好興奮, 因為係佢第一次坐飛機

出發果日天未光就要起身因為斑機改左7:30, 旅行社要我地5:30去到機埸, 好彩媽咪幫我地攞左本 passport 去報到先, 真係唔該媽咪

呢個 trip 都玩得好開心, 個仔又騎真馬仔, 佢仲想學公公婆婆抱白老虎仔, 不過daddy 唔比, 因為驚有菌....咁又係ge......

我地去左公園裡面ge冰雪樂園, 個仔同daddy玩 sir 水泡冰山, 好開心, 仲想玩多幾次, 企我見佢個咀都白哂, 打哂冷震咁, 唔比佢再玩喇, 費事佢冷親...

去左睇蛇園, 個仔好鐘意睇

去到 pattaya, 間酒店係迎開ge, 都幾有特色, d 早餐 buffet 都好好味, 我最鐘意係木瓜, 又甜又好味

同個仔去油店泳池玩, 個仔係水裡面行行下突然沈左落水,嚇到我c....好彩老公見到即刻抱番起佢, 不過佢話唔驚wor, 又走去玩 sir 滑梯, 玩左好多次

今日我地去玩潛水, 出左海, d工作人員幫我地帶頭盔, 佢話落到水底, 個頭盔入面有空氣唔駛怕, 好似幾得意咁, 我第一次試唔成功, 個頭盔入面入哂水, 好驚呀再試第二次, 今次成功喇, 落到水底都透到氣, 都冇咁驚.....但係點解老公咁耐都未落黎嘅, 跟住有工作人員落埋黎拖我地行我老公未落黎喎, 做咩唔等埋佢呀, 個工作人員手指指咁好似同我講野, 不過都唔知佢做乜因為其他團友都係度, 我諗冇事掛, 咁就跟左佢地去餵魚喇, 都幾得意, 不過d水好濁, 麻麻地, d工作人員有幫地影相, 不過d相都睇唔清個人ge.....激氣呀原來老公話佢落水果陣只耳仔好痛呀.....再嘗試都係咁, 所以冇落到水底同我會合.....