我地第一次放低個仔去台灣旅行呀
不過日日都掛住個仔
我地去左台北, 九份等等....太耐唔記得仲有去邊 lu
不過我地返左香港後, 個仔竟然問我地做乜唔帶埋佢去wor
2007年5月23日 星期三
搵到工喇......但要同個仔分開住
1999年4月
自從公司98年9月 close 之後, 一直都冇的起心肝搵工, 諗住搵 arm 先做
終於係今個月搵到工喇, 不過要面對同個仔分開住
記得星期日果晚要放個仔係 99 度, 食完飯再座一陣就準備走, 99 抱左個仔入房, 我同老公就承機走....
點知一出門口, 自己d眼淚就係咁流, 不停流
老公不停安慰我話呢個係暫時最好嘅方法, 始終由親人湊係比較好....我明, 但我真係唔捨得....
都唔記得過左幾耐, 個心先接受到.....
每個星期二, 四我都會去99度睇個仔, 星期六湊返, 星期日就湊返去99度....次次都要呃個仔, 我地先可以離開.....個仔而家仲記得
2007年4月7日 星期六
昂坪360一天遊
今日天氣麻麻地, 但一早已經約左 ellen's family, ruby's family & carol's family 去 昂坪360一天遊.....
我地今朝係東涌纜車站等, 等齊人就買飛坐纜車, 因為天氣麻麻, 纜車愈高, 就好似去左仙境咁......
chloe 仲未訓醒咁, 坐纜車時咁嘅樣
上到去市集喇, 嘩.......好大霧呀, 仲似入左仙境呀
chloe 問我 : 咩叫大霧呀
攝於茶館內, 有 d 外國人係呢度唔知茶聚定學飲茶呀.....
雖然大霧, 但一場黎到, 梗要上大佛行下啦, 不過真係好大霧呀, 影左相都淨係睇到 d 霧, 乜都睇唔到
要讚一讚 chloe, 佢竟然行左咁多級樓梯都冇問題 bor 
行完大佛, 我地就坐巴士落梅窩喇, 可以比 d 小朋友踩下單車啦.....
未踩單車前, 食個 lunch 先.....
e..... jason & marcus, 你倆個搞咩呀 ????
食完 lunch, 我地就去左幫 d 小朋友租單車踩, 因為 marcus 都未係好識踩 2 輪單車, 所以老公就再教下 marcus 喇, 老公見 marcus 都開始踩得下, 就幫佢影下相, 點知 ..... marcus 自己突然由斜坡衝落黎, 遠處見到佢炒車呀
炒車連環圖 :
陰公.....塊面又損哂 (心都痛埋
今次輪到要讚 marcus, 佢跌到咁都冇喊, 仲好開心話我終於學識喇, 傻仔......
之後我地就 join 返其他人再兀係空地踩下單車都已經成6點喇....我地就出返碼頭附近食埋 dinner 就返屋企 lu......
p.s.原來香港都有 d 咁靚嘅花架.......
2007年3月5日 星期一
1998年大仔出世喇......
今日係我第一次學寫 blog, 想寫返由個大仔出世果陣開始寫....
e.....咁未成8年幾前
個仔係1998年出世, 佢係東區尤德醫院出世, 6磅半, 佢係我第一個仔, 好開心, 老公仲睇住個大仔出世.....
不過, 生呢個仔真係好辛苦 (不過辛苦都值得
仲記得, 果晚係媽咪 ok 食飯, 但成晚都覺得有便意, 不過係去唔到嘅, 臨走前, 媽咪叫老公睇實我, 我可能今晚生 (有經驗即係有經驗
返左 ok 之後, 個肚仲係有d唔舒服, 不過冇見紅, 冇穿羊水, 諗住應該都唔係, 因為離預產期仲有11日...
一直維持個肚有d唔舒服....去到半夜1點鐘左右, 諗諗下都係打電話去醫院問下姑娘, 姑娘話你入黎比我地 check 下先啦, 跟住就同沖涼洗頭, 同老公攞埋一早已執好入院嘅野(袋) 搭的士入院....
去到醫院一check, 姑娘話我已經開到4度喇, 唔好返 ok喇, 辦好入院手績就上待產室啦.....
嘩.....我今晚生喇, 個心真係又緊張又開心, 始終第一次
換好袍就左入待產室, 初初都冇乜野, 心諗開到4度都唔係好痛啫, 我諗我忍到嘅.......(真係冇經驗
過左唔記得幾耐, 開始覺得好痛喇, 但先開到5/6度, 個姑娘見我咁, 就問我用唔用無痛分娩, 第一次, 我覺得我忍得到嘅, 所以話比姑娘知唔駛喇, 點知......
姑娘比氣我聞, 但係太痛喇, 跟本唔記得d方法, 老公仲比姑娘話佢唔識幫老婆, 事後老公話真係無奈
再過左唔知幾耐, 真係痛到忍唔住, 老公不停叫我忍耐下啦, 我已經痛到揸佢2只手指差唔多斷咁制, 醫生 check 完話冇乜開到, 好失望呀.....心諗真係唔知仲要痛幾耐
個姑娘又行過黎喇, 佢再次問我用唔用冇痛分娩, 果陣真係頂唔順喇, 問左老公後, 決定麻煩姑娘幫我安排....
好快個麻醉帥就黎左, 佢循例同我講左有50000份之一機會(唔太sure, 太耐lu) 有後違症, eg 腰酸背痛......我都痛到冇心機聽喇, 叫我簽名, 我都簽到個名唔知似咩字
打完針後有5/6個鐘頭唔痛喇, 下身完全冇感覺, 怪怪咁
都唔記得醫生入黎 check 左幾多次, 終於醫生話已經開到9度半喇, 醫生同姑娘講幫我減麻醉藥, 落催生藥....
我就黎生喇................................
入到產房, 感覺好痛好痛, 助產士叫我用力, 用力.......
用左好多力, 試左唔記得幾多次, 都未生得出, 覺得好攰, 我話唔生喇, 姑娘話而家先黎話生? 唔好咁講, 黎, 我地再黎過, 再努力d, 用力d, 拿.....見到頭髮仔喇......再用力......又見到多d喇.....再用力啦......., 老公都捉住我只手話唔好咁講, 再幼力啦, 就生出黎架喇.....
跟住聽到助產士叫其他姑娘過黎幫手, 其他姑娘就過黎係我個肚到用手推.........過左一陣, 聽到助產士話...出黎喇, 生左出黎喇......公喜哂, 生左個仔呀......
我鬆一口氣, 終於生左喇.....姑娘抱bb過黎比我睇, 問我係仔定女呀?.......我話係仔黎嘅.....跟住姑娘就抱走 bb 喇.......
跟住姑娘叫老公出去等啦....
姑娘幫我搓肚, 等個胎盤出埋黎....之後有姑娘幫我縫針, 仲笑住講睇你都係怕痛架喇, 幫你打麻醉針先縫啦
休息左一陣就上房喇, 訓左一陣就醒左, 望住個鐘希望快d過, 因為想快d見下個仔
老公日日返工前同埋放工後都有黎探我, 好開心......
個仔本來唔係成日喊, 好乖下, 點知有日老公黎探我時話, 點解個仔喊得冇人地果d bb 咁大聲嘅.....出事喇, 個仔小氣呀.....跟住就比之前喊多左呀
係e院住左4日3夜.....出院喇, 返 ok 喇
訂閱：
文章 (Atom)