op 摸魔鬼魚呀..........

2008年3月28日 (雨 + 陰天)

原本今日諗住入 disneyland, 點知一起身就見到落大雨 唔通我已經同 disneyland 無緣, 上次去日本果個又係咁 唔際呀.............................

終於.....我地下午去左 op ( 今次申請呢個 annual pass 真係低哂, 我地都唔知去左幾多次 lu ), op 而家有個高清動物月, 可以去摸魔鬼魚呀.....

我地點零鐘去到集古村入口, 一入去就去左睇 剪影動畫, 都幾得意....

之後就係今日去 op 嘅主要節目......摸魔鬼魚

聽到都好吸引呀....首先要買飛玩, $40/人, 但要1米以上先可以玩, chloe, hazel, 飛飛就冇得玩喇, 飛飛見到佢2個家姐都有得玩, 仲喊起上黎 tim....

marcus同埋飛飛2個家姐要著一件好似落海打魚咁嘅衫先可以落水, 原來 d 水都幾深架, 唔怪得之1米以下唔可以落水啦, 因為 d 水可能會入哂件衫裡面....

就係呢件衫喇, marcus 示範 :

 

見到佢地落水喇....一群群嘅魔鬼魚係水裡面游, 好多時仲會游上水面 tim....聽見佢地講摸到喇, 摸到喇咁真係開心.....

仲有一種魔鬼魚係水裡面游, 不過呢種就較大條同埋係深黑色, 而且多數係係水底慢......游 (唔記得影低 tim)

其實都唔需要比 $40 玩, d魔鬼魚成日都游去個池嘅另一邊, 即係我地呢d冇比錢但係池邊睇個位置, marcus 佢地未摸到, 我地已經摸左好多次喇

摸魔鬼魚個感覺係個皮好滑, 好 "線" 手, 一摸上去已經滑到去條魔鬼魚嘅尾 lu...

chloe.....當然又係話驚唔敢摸喇

當 marcus 佢地仲玩緊時, 我就同 chloe 去左玩.....畫顏料 (有d小朋友畫係面, 不過都唔知係咩顏料, 又怕 chloe 會敏感, 所以都係畫手背算喇.....)

有個姐姐開始幫chloe 畫喇....chloe 揀左 panda :

睇下..... chloe, 飛飛同埋 hazel 嘅手背一人一隻動物架.....

玩完呢個 "高清動物月", 我地就上山玩 lu, 先去左玩激流, 再去影海獅 (影極都唔厭嘅海獅 )

再去睇水母, 今日人少, 睇得好清楚

睇完水母館都6點 lu....去埋兒童王國玩

一入去, 真係好, 終於見返旋轉木馬喇, 真係變返木馬啦, 之前唔知搞乜改左係旋轉熊貓, 一d都唔靚, 直頭驚嚇 tim 呀....

睇下...而家變返旋轉木馬喇....幾靚 :

終於我地都玩到op關門先至走......今日覺得都幾攰呀

 

深圳之旅 - 2日遊 (day 2)

2008年3月22日 (陰 + 雨)

今朝8點鐘起身, 個天色陰陰天咁.....

梳洗後就去食酒店包嘅早餐 buffet....

食早餐嘅 cafe :

cafe 內嘅洗手間都好靚架 :

呢間酒店真係唔錯, 包埋嘅早餐 buffet 好豐富, d 食物又好味, 仲要一早就有意大利雪糕呀

食完早餐先去行下間酒店, 呢間酒店有個人造沙灘 (有埋椰樹同埋吊床, 好好 feel), 另外室外/內都有泳池, 可惜今日嘅天氣涼左, 所以冇得游水, marcus 有d 失望呀, 不過老公話遲d熱d再 book 多一次住, 第一日就留係酒店游水 relax下, 夜晚就出去食飯兼行下....第二日去書城行下咁

室外泳池 :

係人造沙灘果邊, 仲有椰樹 + 吊床, 好好 feel 架 :

check out 後我地就去"東部華僑城" 喇, 搭的士入大約30 mins 左右啦, 100蛟有找...

我地係係大俠谷果邊門口入, 可以睇埋大俠谷同埋雲海谷, 不過呢邊入場就貴小小 ($180一個人, marcus 因為差小小先到140cm, 所以仲可以買小童票, 半價... chloe 未夠1米, 唔駛買入場票) 入到去開始落雨喇, 不過就毛毛雨....

要上一條頗長嘅樓梯先可以見到大俠谷, 真係辛苦老公捧住架 bb車行呢條樓梯呀, 好彩 chloe 冇訓著覺......呢個大俠谷都幾壯觀架, 睇完之後就去坐覽車到雲海谷, 不過可能落雨,而且呢度都好高下, 所以好似入左仙境咁, 比起上次係香港大嶼山坐360仲要大霧呀.....

大俠谷 :

之後就坐接駁車上 "茶溪谷",  入左"茶溪谷"後冇耐就落大雨, 我地避雨都避左大半個鐘呀

等到好細雨後就去左排隊坐小火車, 都坐左成20 mins wor, 呢個小火車係架空架, 圍繞個 "茶溪谷" 行左個圈..... (我地排隊果陣仲見到 ruby 一家人呀, 不過佢地已經玩完小火車 lu)

小火車站 :

熱氣球 :

然後就去左行濕地花園, 有個好似北海道富田農場 "七彩花田"嘅 "四季花田", 不過都係北海道果個靚d  仲有個 "向日葵園" 不過唔係好密, 可能遲下會多花d....好想玩 "旋轉花車" 可惜冇開....

四季花田 :

行完濕地花園就去行 "茵特拉根鎮", 一路行一路落雨, 所以都冇乜 mood 影相....

茵特拉根鎮 :

再行上去就係 "茶翁古鎮"....都幾古色古香, 行左 "茶溪線橋" 離遠睇好似好長, 原來好短架咋.....

雨.....又開始愈來愈大喇, 而且都已經成6點, 所以我地決定離開喇, 其實  "茶翁古鎮" 仲有其他地方行, 或者等埋第2期起好後先再黎啦.....

最緊要仲係唔好落雨, 因為真係好影響左個 mood....

深圳之旅 - 2 日遊 (day1)

2008年3月21日 (陰)

今日我地一家會去深圳玩2日呀......

其實我對大陸真係麻麻地, 因為我好怕佢地嘅衛生問題, 又怕d 人唔衛生.....

不過老公成日都話而家唔同架喇, 所以今次又去玩下啦, 原本諗住月尾去長隆玩, 點知月尾果個 weekend 無端端貴成千蚊, 所以改左今個 easter 去深圳玩2日.......

過左關後我地就坐地鐵去深圳華僑城洲際酒店, 一出地鐵已經見到間酒店, 真係行幾步就到, 超方便

間酒店係西班牙式, 間房有露台架.....

個洗手間有電視睇....

放低行李稍為休息一陣就出去 lu.....

先去食個 lunch 先.....我地去左海景酒店附近睇下有咩食, 有間 "東來順酒家" , 聽 bk 媽咪講都唔錯架, 不過老公麻麻地, 所以再去果條食街睇睇有咩食, 有食韓國燒烤, 湘菜, 重慶菜咁.....但我地最後去左有間叫做 92 cafe 食, 果度裝修唔錯, 都幾有外國 feel, 有室外室內, 因為室內已經坐滿, 我地去左再室內嘅地方坐, 好有情調架

食完 lunch 就去左 "世界之窗", (入場貴 : 120一個人) 我同老公都有成1x年冇去過 lu, 裡面亦多左好多景點, 而家仲有個室內滑雪場, 可以玩真雪, 坐水泡 sir 冰梯, 有3條滑梯, 一條好長好高係 for 大人嘅, 中間果條滑梯雖然短 d, 但都幾激架, 老公同 m 仔就係咁玩, m 仔仲玩到唔願走, 可惜 chloe 好快就嗌凍, 我 sir 左一次就同佢出返去冇得玩 lu.....

仲有一個 4d 電影院, 因為 chloe 唔入得, 所以只有老公同埋 marcus 入去睇, 老公話幾好睇架, 又夠真, marcus 仲話睇到有 d 驚 tim...

又有1個可以比人坐船玩嘅激流.....我地見d人著哂雨褸玩, 但個頭都濕哂, 原來最激嘅係玩果d人唔知原來佢地玩完臨上船果陣, 係有d "外人" 係出面入錢玩射水跑.....d 人真係係咁射水向住佢地架, 玩果d人唔知, 衝完落黎就除左雨褸頂帽, 然後就當然好可憐咁比人用水 "dull" 頭 "dull" 身咁比人射水啦, d "外人" 就睇到 hehehaha..... ,玩果 d 人就.......唔怪得知我地見咁多人睇啦...

尼加拉瓜大瀑布 :

日本 :

荷蘭 :

埃及 :

denmark :

sydney :

之後就去左科學館站嘅書城, 呢個購書中心比起之前 同 ruby 佢地去老街附近果個大d同埋整齊 d......因為個喼應該都冇乜位放書, 所以雖然想買嘅書好多但都唔敢買太多.....老公提議話不如一個月黎一次, 咁就可以分開買啦,

夜晚我地去左 "蔡瀾美食坊" 食 dinner, 入左間 "順賢居", 不過可能已經8點幾, 對大陸人黎講都算夜, 我地想食嘅食物好多都冇 

返酒店前我地去左行 wallmark, 呢間 wallmark 同外國嘅 supermarket 一樣, 又係夠大同埋乜都有得賣, 行左一陣買d野又去左附近"永和" 買豆漿,油條,辣醬麵返酒店做宵夜, 不過個辣醬麵就麻麻地.......

返到酒店後marcus 就急不及待要我放水落個圓型浴江比佢玩喇......可惜 chloe 依然唔敢玩, marcus 就玩到成地濕哂