2007北海道 + 東京之旅_day 2

2007年7月9日 (晴)

起身梳洗後就去 JR 站買飛去小樽, 點知掛住影相就差左1分鐘 miss 左班車

 老公話唔緊要啦, 自由行 free d, 時間可以自己控制.....

出左小樽車站, 已經感覺到好舒服, 雖然好曬但有微風吹住, 感覺好好, 而且路上行人唔多, 車又唔多, 又冇高樓大廈, 同香港真係倆個世界

見到有觀光巴士, 不過我地決定自己行下...

我地跟住地圖, 一出車站向前行一段路就係小樽運河, 未到運河之前, 有1個已經荒廢左唔再用嘅路軌, 我地就係呢度影左幾張相

沿路仲見到人力車, 不過d車佚全部都係年青力壯嘅男仔, 佢地拉住d日本人係度行, 我諗係圍繞一週啦...又見到有小馬車停係街邊

行到去運河喇, 雖然唔係雪景, 又唔係夜晚燈火通明, 但都幾靚, 我地當然即刻走埋去影相啦, 可能唔係 weekend, 唔係太多人,  淨係見到有旅行團, 但都唔係太多人, 所以唔駛等其他人行開就可以行埋倆邊運河影相....

影完相我地沿住大街行下附近嘅商店, 就係呢個時候, chloe 係都要揸住部細相機係度影, 我咁 arm 望左去第二邊, 佢跑2步就突然趺底, 仲要係面向地

一睇已經趺損左個咀喇

我地入左雪印食雪糕, 嘩......呢杯雪糕好好味, 又滑又香又好重牛奶味

 (我覺得係我係北海道食過最好味嘅雪糕, 薰衣草雪糕第2啦

)......e.....唔見左張相ge

????!!!!

食完雪糕就一路行, 依然唔多人, 感覺好好......沿路都係旅遊書介紹過嘅景點, 當然入去睇下啦.....

見到有密瓜wor, 即刻買黎食, 真係好甜又多汁

, 行過隔離, 見到有檔未開嘅燒烤店, 不過未開始, 唯有返轉頭先食燒帶子啦....

行行下, 見到間 cafe 好似唔錯咁, 老公話想坐低 tea, 我地叫左 lemon tart & 凍咖啡.....唔.....麻麻地啫, 仲要價錢唔平 

我地行到去北一硝子館, 入去館內睇左一陣就走喇, 可能我地興趣不大....

沿路行就去到 meruhen 十字路口, 本來想影張相, 但太多人坐左係度, 影唔到....

過對面馬路就見到"夢之音", 裡面有好多公仔野賣, 有 snoopy, 龍貓, hello kitty, mickey, winnie the pooh 等等, marcus 入到去係咁影相, 好搞笑

 

 我係度都買左北海道限量版嘅 kitty 筆

"夢之音" 旁邊已經係音樂盒百貨, 裡面真係好多音樂盒, 好多款好靚..... marcus 仲自己做左個動物園音樂盒, 但逐樣計, 都唔平, 成 4xxx yen 架

我自己就買左個有3種唔同燈光(會自動轉燈光) 嘅天使音樂盒

 

因為 marcus 個音樂盒整完後仲要等30分鍾先有得攞, 所以我地去左銀之鐘食 tea, 因為係銀之鐘飲 coffee, 係可以攞埋個 hello kitty 杯走架, 當然個杯費用已經加左落個 tea set 度啦

.....係銀之鐘入面, 係有2層嘅, 上面果層飲咖啡食蛋糕, 而下面果層就係買 suvenior, 上面果層仲有隻假嘅大黑熊, chloe 唔敢行埋去, 而 marcus 咁大個就一d都唔驚, 影左張相

  (小插曲 : 係銀之鐘, 老公唔記得攞返我個黑超呀

)

tea 完, 梗係去蒸氣鐘影返張相啦

攞完 marcus 個音樂盒已經4點幾喇, 我地沿住大路開始去買手信lu

去左六花亭買士多啤利朱古力....

去左北果樓買"妖之森林"蛋糕, 楊果子 (好後悔只買左1種味....本應有3種味架, 都唔知點解當時只買一種味.....), cookie......全部都好好味

又經過燒帶子舖頭喇, 今次返轉頭終於開榴, 即刻叫左只燒帶子食....ummm... 好好味呀, 又大只又鮮甜, 老公仲即開左只海膽食, 不過佢話麻麻地....

之後就去左好多人介紹嘅 "政壽司", 之前 dl 左張 coupon, 可以免費有2客壽司, 帶子同埋魚子壽司.....我地仲叫左1個拚盤, 同埋1個天納羅.....不過, 我地一家人都覺得麻麻地咋....

食完就行返去車站搭車出札幌喇, 路經有一條好似狸小路咁嘅街 (其實日本真係好多呢種街架) 入去睇下先, 不過d舖頭都好舊下wor, 賣嘅衫亦都好老土呀 , 行過有一間精品店, 賣d野都 update d, 靚d, 入到去仲買左d煙火諗住入住 cottage himawari 時放.......

買完睇下只錶已經6點幾7點.......點解搞到咁晏嘅???!!!!我原本諗住4點左右可以出返去札幌行街架

返到札幌,個仔又話想食多次拉麵, 終於又係...................味之時計台, 不過我地今次去左第2間, 但我地覺得都係第一間好味d

2007 北海道 + 東京親子之旅嘅遊記內冇 post 哂所有相片出黎 .....

下面 2 條 link (webshots 相簿) 可以睇番哂 d 相  :

http://good-times.webshots.com/album/560006631QLPXMh

http://community.webshots.com/slideshow/560006631QLPXMh?mediaPosition=3

2007北海道 + 東京之旅_day 1

2007年7月8日 (晴)

我地今日出發喇......目的地係北海道 + 東京

籌備左半年嘅親子之旅今日終於出發喇.....

琴晚再執埋最後要放行李嘅野.....好彩上一個星期已經執定d行李, 所以都唔算執得好夜, 未夠12點就上床訓 lu

check in 都唔算好多人.....不過唔知係咪因為 chloe 唔洗買由東京去北海道果段機票, 我見個地勤小姐搞左好耐....

我地去 burger king 先食早餐, 跟住過 immigration, 有 bb 車可以優先呀

飛機準時9:40am 起飛...

2 歲9個月的 chloe 第一次坐飛機, 所以準傭左d提子干比佢食, 好彩佢冇嗌耳仔痛   又因為佢訓左覺, 我要求遲d先 serve 佢飛機餐, 但係佢掂都冇掂過, 唔肯食...... 

2:30pm去到成田機場, 我地先攞行李再 check in 入候機室去北海道, 今次又快好多喎.....

check in 後因為冇地方去, 所以直接上候機室, 一入到去就見到有間 shop, 仲有個好大嘅 snoopy 扭蛋機, 個大仔即刻去扭左只, 唔係我最 like ge woodstock, 係 lucy.....

跟住我地就去睇下有咩買啦, 見到好多人都講 ge 香蕉蛋糕, 即係買盒黎試下...好香香蕉味, 唔錯, 略為甜左小小, 不過之後再食又唔係好覺甜喎

因為飛機要成5:30pm 先起飛, 所以喺候機室都等左好耐下, 老公同埋個大仔就係度睇電視.... "相僕" 比賽, 佢2個仲話愛上睇 tim

候機室好多外國人, 原來佢地去沖繩......陽光與海灘

飛機準時抵達札幌新千歲機場, 我地攞完行李後即刻行去買 JR票搭 JR 去札幌, 仲有2分鐘, arm arm 比我地趕到班車, 但因為班車好 full, 所以我地要補 $$$ 坐指定席.

去到札幌車站, 天氣好涼, 大概17度左右, 即刻同marcus/chloe加外套, 行左出車站, 睇地圖搵 hotel monterey sapporo, 點知行錯路, 好彩及時覺得唔係好似, 所以即刻問個年青人, 佢就講日文又手指指咁話我地知係邊, 行左一段路終於搵到喇, 如果唔係行錯路, 由札幌 jr 站行去油店約5/6分鐘左右咋......真係辛苦老公攞住咁重ge行李 

去到 hotel monterey check in 後, 我地就即刻去搵 "味之時計台" 食拉麵, 因為第一次黎北海道, 都係要個搵地圖, 行左一陣先搵到....

坐底後即刻搵個waitress落 order, 我地叫左出名 ge 帶子拉麵2碗同埋一碟餃子, 老公仲叫左杯啤酒 tim, 原來北海道 d 啤酒好好飲架

又唔苦, 連chloe都尾左啖, 不過再叫佢飲, 佢話夠喎

等緊拉麵黎嘅時候, 我地張枱後面黎左1家3口香港family, 不過佢個囡囡都好大個 lu, 我諗都讀中學, 我見佢地落 order 時, 個 waitress 係一個識講普通話 ge 女仔黎架, 仲講得唔錯 tim, 之前已經聽過好多人話北海道好多食市都有人識講普通話架, 冇諗過又真係講得唔錯 bor

d 拉麵黎喇, 真係好香, d拉麵好彈牙, 帶子好大粒好鮮甜, 栗米六係好甜

  唔知係d 拉麵太好味定係 chloe 好肚餓, 因為佢成日都唔係好肯食野, 我分左d拉麵比佢, 都唔細碗架, 佢一陣就食哂, 仲話再要 tim

餃子都好好味....

我地食完麵就返酒店 lu, 聽日向小樽出發~~~~~~

2007 北海道 + 東京親子之旅嘅遊記內冇 post 哂所有相片出黎 .....

下面 2 條 link (webshots 相簿) 可以睇番哂 d 相  :

http://good-times.webshots.com/album/560006631QLPXMh

http://community.webshots.com/slideshow/560006631QLPXMh?mediaPosition=3