今日係 marcus 第一個學期派成績表日子.....
雖然我同 marcus 都有溫習, 但都唔知個成績會點, marcus同我講有 d 緊張......
我地去到學校, chloe 好開心, 不停問我呢度係咪哥哥學校
嘩...今年4年級已經去到5樓喇, 行上去都有 d 攰
去到已經見到有家長係班房門口等, 因為除左攞成績表, 仲要見埋班主任 ms. lam .....
過左大約20分鐘就到我地喇, marcus 就係門口等, 因為 chloe 唔肯係班房門外等, 而 ms. lam 又話冇問題, 所以 chloe 就同我一齊入班房喇.....
睇左成績表, marcus 考第 7, 我都算滿意喇.....
ms. lam 又係同以往嘅老師一樣, 話 marcus 仲有進步空間, 可以考得更加好, 不過 ms. lam 話 marcus 都算叻仔, 考得唔錯咁話, ms. lam 仲話 marcus 好受同學仔影響 (我地都知, 而且由一年級至3年級老師都係咁講) 同班乖, 唔傾計嘅同學仔一齊坐, 佢會好專心, 相反, 就會多 d 傾計 ......
講左 marcus 係學校 d 野, ms. lam 竟然同我傾起 chloe, 話佢個仔都係3歲, 仲有係屋企會點咁.....有 d 搞笑
臨走時, marcus & chloe 仲係學校影左張相
12月1日 (晴)
今日係 chloe 第一次學校旅行, 佢好期待呀...
雖然今日玩嘅時間唔長, 但佢都好開心......
daddy 同埋 哥哥都特登請假一齊黎......
今日嘅節目係 :
1) 整吊飾
2) 去遊戲室 ( chloe 最開心, 因為有佢心愛嘅滑梯
3) lunch
4) 習體遊戲
5) 自由活動 (我地一家人去左打 康樂棋, snooker & 羽毛球
哥哥個樣好認真 bor......
回程上車, chloe 好快就訓著左喇.......
註 : chloe 仲好記得呢日 tim, 成日提住
2007 北海道 + 東京親子之旅嘅遊記內冇 post 哂所有相片出黎 .....
而家將之前 upload 哂去 webshots 相簿內條 link post 番出黎先
http://good-times.webshots.com/album/560006631QLPXMh
http://community.webshots.com/slideshow/560006631QLPXMh?mediaPosition=3
2007年 7月17日 (晴)
今朝起身梳洗後再叫醒埋老公, marcus, chloe ....
食左琴晚買定嘅早餐後就 check out , 跟住再去坐 shuttle bus 去機場 check in, 搭10點幾機返香港 lu....
check in 後係機場行下, 再作最後衝刺買下野食就上機喇.....
問 marcus , chloe 好唔好玩, 佢地話好好玩, 一定要再黎...
由其係北海道, 佢地3個都好鐘意....chloe到而家仲記得北海道d紫色花花呀
我....就係日本都鐘意啦
呢10日, 過得真係好快, 但好開心, 希望可以快d再 plan 一家人去旅行......
2007 北海道 + 東京親子之旅嘅遊記內冇 post 哂所有相片出黎 .....
下面 2 條 link (webshots 相簿) 可以睇番哂 d 相
http://good-times.webshots.com/album/560006631QLPXMh
http://community.webshots.com/slideshow/560006631QLPXMh?mediaPosition=3
今日 chloe 第一次著冬季校服群仔呀......
之前因為買唔到黑色皮鞋仔, 所以一直都係著長褲 + 波鞋仔返學....
終於係 dr. kong 買到喇, 又冇 size, 冇得攞住, 前日 dr. kong 打黎話有得攞, chloe 仲好開心咁提住 daddy 去攞....
今朝同 chloe 換群仔同埋白色襪褲時, 佢就扭計唔肯著白色襪褲, 猛話白色襪要好似 PE 短襪仔咁架, 真係比佢激C......
見佢唔肯著白色, 就問佢著灰色好唔好, 佢都有d唔願意但點頭
放左學未一樣好開心咁同我講話 hazel 同菲菲都著群仔架, 我再問佢下次如果著白色好唔好, 佢好開心話好wor
其實我覺得佢套冬季校服真係好有日本小朋友d校服 feel, 白/灰色襪褲都應該好睇
2007年 7月16日 (雨)
今朝又係落雨天......
今日都冇咩特別行程, 悠悠閒閒咁行左上野, 池袋, 新宿....
不過去到上野就開始好天喇.....
買下野, 食下野咁又 一 day, 我地係新宿 "歌聲技町" - 舖名好似叫"中華拉麵"食 lunch, 食左 拉麵同埋餃子, 都唔錯 bor......
食完去行新宿時, 竟然見到 "味之時計台"呀, 個帶子拉麵價錢仲平過北海道tim, 可惜當時已好飽, 所以冇衝動入去食 (但事後同老公講開, 原來佢想入去試下架, 睇下個分別係點....其實諗諗下我地入去淨係食一碗拉麵加碟餃子都唔會好飽啫, 好....下次要試下)
因為 book 左聽日上午 10點幾機, 所以今晚要搬去機場 holiday inn airport 住一晚, 行完街街返 keio plaza 執好行李就坐 JR 去機場 lu......
架 JR 一開, 我同 chloe, marcus 都好快訓著 lu.....
東京......希望可以快d再黎啦, 今次真係好失望下, 雖然話就話天氣難講, 但始終都有d唔開心, 因為 disneyland / kittyland 都去唔到
2007 北海道 + 東京親子之旅嘅遊記內冇 post 哂所有相片出黎 .....
下面 2 條 link (webshots 相簿) 可以睇番哂 d 相
http://good-times.webshots.com/album/560006631QLPXMh
http://community.webshots.com/slideshow/560006631QLPXMh?mediaPosition=3
2007年 7月15日 (雨)
今朝起身.....又係落雨, 不過冇琴日咁大雨
我地都係去食 keio plaza 嘅 buffet breakfast, 一樣咁豐富
食早餐時, 我多口問左個 waitress, 落雨 天, 如果我地去 西武園嘅 hello kitty land 有冇問題......佢話最好唔好, 因為好多 games 都係 outdoor, 今日天氣都唔穩定, 見議我地第2日先去.....
唉, 又係天氣關係, 另到個行程有變, disneyland / hello kittyland ....呢2個地方都係我好想好想帶對仔囡去玩架
終於, 我地都係 skip 左去 hello kittyland, 早d去台場.....
我地揀坐無人駕駛列車 (yurikamome海鷗號)去台場....
首先, 我地去左 Palette Town 嘅 mega web, 果度有好多toyota車款放係度任人上去試 (坐 only, 要試車要比 $$$), 又有電動小型汽車可以玩, 不過係跟住 set 梗嘅路線行, 老公話都冇咩好玩, 可能 arm arm 係北海道揸完啦
當老公同 marcus 去砌模型玩具車時, 我就同 chloe 去左 venus fort ground floor 行左個圈, 好多小朋友衫賣, 當然入左d貨啦
佢地砌完模型玩具車後, 我同 chloe 都差唔多行完, 便去左 mcdonald 食炸蝦飽喇.....
嘩....真係好好味呀, 又新鮮又熱辣, d 薯條仲係肥嘟嘟架
食飽飽又繼續喇....去坐摩天輪, 個職員問我地坐唔坐全架玻璃 (連腳底都係玻璃架)車 ? 老公同 marcus 想試, 但我真係驚呀, 所以最後佢地都就我坐番普通果種.....可能人唔多, 都唔係架架車有人坐.....睇天書話如果天朗氣清, 係可以睇到 disneyland or 富士山架, 可惜, 今日.......又落雨 
玩完之後我地就去左 venus fort 行街街喇, 不過始終同埋對仔囡一齊, 真係好難盡興, 但都買到小小野嘅
係 venus fort 裡面, 有一間專賣西湯嘅食市, 日本人市場大d, 所以可以有呢類食市, 我地買左黎飲, 真係好好味, 可惜香港又係冇嘅.....
另外, venus fort 內嘅布置同埋天花板嘅布置, 真係好靚, 天藍色, 又有 venus 石象/噴泉.........靚
第二站, 我地再坐 yurikamome 去 aqua city, 見到彩虹橋同埋自由神像, 影番張全家幅先
富士電視台 - 係 aqua city 對面 (今次冇入到去睇, 下次再去.....)
離開台場, 又係坐 yurikamome 返新宿, 影左彩虹橋著燈嘅相, 都好靚.....
今晚, 我地去左新宿嘅 momo paradize 食牛肉 sabu sabu 放題, 好多香港人, 連團都有呀....... 我地都等左成個鐘, 不過我地覺得, 麻麻地
食飽就行番去酒店, 想行下沿途嘅商舖, 但見對仔囡都有d勀喇, 所以決定聽日先再行.....
2007 北海道 + 東京親子之旅嘅遊記內冇 post 哂所有相片出黎 .....
下面 2 條 link (webshots 相簿) 可以睇番哂 d 相
http://good-times.webshots.com/album/560006631QLPXMh
http://community.webshots.com/slideshow/560006631QLPXMh?mediaPosition=3
2007年7月14日 (落雨天)
今朝一早起身, 望下個天, 唉.........又落雨
真係唔開心, 因為我地今日入 disneyland 呀
老公安慰我話, 都唔係好大雨, 可能一陣會唔落呢, 希望啦......
先去食早餐......因為我地 book twin room, 每日只有2張早餐卷, 但始終 marcus 都已經9歲喇, 我怕 reception 要我地比多1個人早餐 buffet 費用, 但最後, 企係 reception 嘅經理都係就咁比我地一家四口入去, 網友真係講得冇錯呀
一入內, 嘩.... 呢間 keio plaza 食旱餐buffet 嘅地方真係要讚
食左一個好豐富嘅早餐後就上酒店 lobby 等 shuttle bus 去 disneyland 喇....
唉....仲係落緊雨, 不過好似比今朝細 d.....
去程中途, d 雨都係落下停下咁, 激c, 但好快就到.....
因為買左入場卷, 所以唔駛再排隊買飛就可以入園, 都有好多人排隊入場 bor, 但好快就可以入到去喇....
又因為仲係落緊雨, 為左方便行同埋玩, 我地都買左雨褸, 我地又去左租 bb 車比 chloe, 因為我地帶去果架, 好難用雨褸將成架車遮住, 所以唯有用 700 yen 租一架 disneyland 嘅 bb 車啦, 未行出去露天地方時已經見到人扮卡通公仔出黎影相喇, 但真係妹多人, 我地都係逼埋去影架咋, 我地同小飛俠影左相, chloe 依然好驚, 想喊咁, 老公就9秒9影低左一張好似唔係影我地咁嘅相出黎喇......
見到有輕氣球賣呀, chloe 係都要買, 咁就買左1個公主嘅, 不過真係有d後悔呀, 如果唔落雨 都仲好d, 落住雨仲要攞埋個咁大嘅輕氣球真係好麻煩......
各人著好雨褸, 連 chloe 架 disneyland bb 車都用 雨褸遮好後就開始去玩 lu.....
d 雨都仲係咁落, 仲好似大左 tim
marcus 一見到有 pop corn 賣, 就即刻同埋老公去買左1筒, 又幾靚 bor, 個筒係 stitch, 食完可以用黎裝野
我地首先去左玩 3D, 因為 chloe 仲細, 所以我同 chloe 係出面等老公同埋 marcus...
但見d雨愈落愈大, 真係心情唔好, 諗住對仔囡未黎過日本 disneyland, 今次黎東京梗要入黎玩下影下相, 點知 .......
老公同埋 marcus 睇完個 3D劇場喇, 老公話好好睇, but marcus 竟然話有d驚
即刻去攞 buzzy 個 fast past, 但已經去到4點.....咁咪有排等
雨.....真係愈落愈大, 已經唔係咁想行, 但一場入到黎, 總唔想就咁就走, 所以我地先去搵地方坐低食d野先......
食食下野已經聽到廣播話中午個遊行取消......
老公話睇黎場雨都有排落, 亦唔會細, 只會愈來愈大, 見議我地去 shop 行下買下野就走......
冇得玩.....唯有盡情買野啦
每間 shop, 都好多人呀, 可能落雨關係啦, 多人到不得了呀, 買左d鐘意野就走 lu....
本來 book 左回程 shuttle bus 返 keio plaza, 但未夠鐘.....諗住都行出去 shuttle bus 車站睇下有冇 shuttle 返酒店啦, 點知又唔好彩, 班車 arm arm 開左, 下一班又要等成個鐘, 所以我地決定坐 JR 返酒店休息一陣先出去食飯......
返到酒店後, 先同 chloe 沖涼先, 點知出黎後, 老公竟然訓著左
唯有比佢訓一陣先出去食飯啦, 雨......都係不停咁落
老公醒左我地就出去食飯喇......
原本 plan 左去高島屋樓上間壽司店食, 點知去到好多人, 個店長同我地登記左後就叫個識講廣東話嘅女仕應同我地講, last order係9:30pm, 但我地起碼要等1個鐘先到我地, 到時都9:30pm, 我地係唔夠時間食嘅, 但我地之前果2個日本人又冇問題wor, 老公覺得個店長好有問題, 所以決定唔食就走喇......
最終, 我地都係去左酒店附近嘅壽司店食.....
琴晚果間好味d bor.....
食完返酒店休息, 聽日會去西武園嘅 hello kitty land
2007 北海道 + 東京親子之旅嘅遊記內冇 post 哂所有相片出黎 .....
下面 2 條 link (webshots 相簿) 可以睇番哂 d 相
http://good-times.webshots.com/album/560006631QLPXMh
http://community.webshots.com/slideshow/560006631QLPXMh?mediaPosition=3
