罌粟籽檸檬牛油蛋糕

 

今日焗左呢個蛋糕 ...

" 罌粟籽檸檬牛油蛋糕 "

 

 

幾日冇焗過蛋糕喇 ....

chloe 琴日都問我點解冇蛋糕食嘅 ??

其實我都手痕架,

不過日日都好眼訓,

呢個星期差唔多日日下午都訓左一陣,

仲邊有時間去焗蛋糕

今日都有訓架, 一訓又係個幾鐘 ....

不過材料已經準備左,

牛油又已經拎定出黎,

所以, 一訓醒就即刻開工喇 ...

不過, 今次個爆口位唔係爆得太靚

 

 

 

 

豆腐瑤柱扒西蘭花 / 三文魚蕃茄炒蛋

 

 

今晚煮左呢 2 個餸 ....

" 豆腐瑤柱扒西蘭花 / 三文魚蕃茄炒蛋  "

 

 

之前喺百 x 買左 3個西蘭花 ...

($6.90 三個)

今晚呢個係最後一個喇,

一個星期食左 3 次西蘭花

以後都係唔好貪平,

要煮先買喇 .....

好似好耐冇食豆腐,

就煮 " 豆腐瑤柱扒西蘭花 " 啦 ....

 

 

雪箱有三文魚扒,

拆骨去皮後加蕃茄一齊炒蛋又一個餸 ....

開心茶餐廳

 

 

marcus 話好耐冇食意粉,

講左成個星期 ....

好啦, 今日就整左呢個 ....

" 茄汁海鮮意粉 "

其實今日冇乜 idea 整咩意粉,

可能係唔想去諗

今朝去買奶茶時,

見到個餐牌有 " 茄汁海鮮意粉 "

不如就簡簡單單整呢個啦,

反正屋企有d剩餘物資,

有蝦, 魚柳, 鮮魷等等, 可以清埋佢....

整好後, 個賣相有 d 似茶餐廳果 d

連個味道都幾似

咁不如即刻黎杯凍檸茶啦 .....

 

 

自家製西蘭花忌廉湯 / 日式咖喱飯

 

 

今日要同 chloe 去玩 "親子遊戲日"

所以今晚只係做左簡單晚餐 ...

" 自家製西蘭花忌廉湯 / 日式咖喱飯 "

呢個  " 自家製西蘭花忌廉湯 "

好容易做, 又有蔬菜, 好飲又有益 ....

我冇將 d 西蘭花煮到好腍,

有咬口之餘仲保留到西蘭花本身的營養

 

 

 

呢個 " 日式咖喱飯 "

我用左 "麵包超人咖喱", 唔辣架,

連 chloe 都食到,

次次整親呢個咖喱飯,

marcus 都要食一大碟飯 ...

不過今日玩完遊戲日都冇去街市,

所以冇加其他肉類落去 .....

一盒 "麵包超人咖哩" 有 2 包,

仲有張貼紙送 

 

 

 

 

Chloe k2 親子遊戲日

 

 

 

 

   今日係 chloe 學校 " 親子遊戲日"

    去年 k 1 時就喺跑馬地足球會舉行,

                         今年就喺黃竹坑運動場,

                 我自己就覺得黃竹坑呢個運動場好 d

                     因為地方大, 又唔算係正正市區,

                           玩起上黎空氣都好 d ...

       不過今日好熱好曬呀, 家長老師小朋友都流晒汗,

                 但我見個個小朋友都玩得好開心  

  當然啦, 有得玩,

仲要係同 daddy or mummy 一齊玩 wor

一開始就有升旗儀式

   同埋所有小朋友一齊做韻律操 

   原本 chloe 係排第一排,

我可以睇得佢好清楚, 點知

     因為 chloe 無著冬季運動衫,

     其實我有帶去架,

   但問班主任時, 佢又好似唔知係要咁,

仲話唔駛著返 

過左一陣,

chloe 就比老師由第一排掉到中間位置喇

搞到我影唔到 video & photo 比 daddy 睇呀 ...

 

 

 

 

影唔到 chloe 做韻律操段片,

唯有影返 chloe 玩遊戲片段比 daddy 睇啦 

 

 

 

升旗儀式 / 神父帶領小朋友致詞