下星期一就出發喇......
呢幾日都係忙於再執下個行程同埋 print d 資料帶過去.....
希望一切順利.......
2008年6月27日 星期五
2008年6月23日 星期一
chloe 出院喇....
chloe 今晚出左院喇......
今朝7點半, 醫院嬸嬸就叫醒家長, 因為要收床喇.....
可能個個都起身, chloe 都醒左喇, 見佢精神都好 d, 燒都退左喇, 其實琴晚每隔一段時間, 都會有姑娘入黎幫小朋友探熱 同埋比藥佢地食 ....
老公一早就黎醫院睇 chloe, 見佢好 d 都安心 d.....
今朝姑娘第一次入黎時都有問 chloe 仲有冇嘔, 有冇大小便, 有冇飲水, 食野等等....
chloe 琴晚半夜醒左, 可能佢發覺自己唔知係邊, 所以喊起上黎, 我醒左就安慰佢話係醫院, 佢見自己吊住鹽水又有 d 驚, 我同佢講因為嘔所以要吊鹽水, 好快會冇事.....佢冇喊後就話要 vv, 仲好多好多 tim......
chloe 今日明顯唔同哂, 精神左, 好多野講, 仲唱歌 tim 
陳醫生今朝黎睇 chloe 時, 佢同我地解釋左個 report, 大致上係冇問題 (touch wood) 佢話如果今日食幾餐都冇再嘔, 就算有小小燒都會考慮比佢出院......
醫生話 d 菌會係大便出, 所以可能呢2日會痾.....
chloe 今日食左 麥皮同埋魚片粥都 ok.....
下午, joe 黎探 chloe, 仲同佢玩左一陣, 真係唔該哂亞 joe, 果陣我頭痛到想 c, 又嘔 ......
收到 ruby / ellen打電話黎問候.....多謝哂
終於等到差唔多夜晚8點, 陳醫生再黎睇 chloe, 佢仲同 chloe 講話佢乖, 姑娘話比陳醫生知 chloe 今日成日唱歌, 陳醫生話咁叻呀, 咁比你出院啦.....
聽到呢句, 真係好開心.....
當姑娘幫 chloe 拆吊鹽水時, 佢喊得好淒涼呀, 我諗一定好痛
老公辦好出院手續就返屋企喇
p.s. 琴晚留係醫院陪 chloe, 成晚都訓唔到, arm arm 訓著時就聽到 d bb喊幾聲, 所以今朝起身時已經覺得好頭痛, 後來仲嘔左幾次 tim....個樣殘到嚇 c 人呀 
不過最緊要個囡冇事........
2008年6月22日 星期日
chloe 入醫院
今日....chloe 入左醫院留醫一晚
今日原本約左 ruby / karen 佢地一齊上 ellen 新居....
chloe 今朝食左半杯奶就嘔左出黎, 因為佢都試過係咁, 加上佢嘔完又冇野, 一樣玩一樣咁多野講, 所以我地都不以為已, 仲落街食早餐.....
食完早餐返黎, chloe 又嘔左一次, 之後見佢又冇野, 所以我地都決定出街喇....
我地因為想食出名嘅豬潤米粉, 所以先係深水埗等 (原來之前我係深水埗福榮街附近, 見到好多人排隊等食嘅茶餐廳就係呢間....維記咖啡室喇)
d 豬潤真係幾好味, 不過我見 chloe 愈黎愈唔妥喇, 面青口唇白咁, 又想嘔
....所以我決定帶佢睇醫生再返屋企比佢休息, 而 marcus 就比 ruby 幫我帶佢去玩.....
可惜, 因為今日係星期日, 醫務所只開半日, 去到醫務所, 醫生已經走左喇....
唯有先帶 chloe 返屋企休息, 等佢訓下睇下好唔好d....
點知, chloe 訓醒又嘔左 2/3次, 仲有燒 tim, 我地即刻帶佢去 st. paul 睇急症, 但 易太話不如去 "律頓治醫院" 啦, 因為會冇咁多人....
去到 "律頓治" , 登記完後, 等左一陣就到 chloe 喇, 有個醫生入黎問左一輪兼同 chloe 檢查後就話 chloe 係腸胃炎, 佢會開 d 藥比 chloe 同埋要 chloe 係醫院食左藥後睇下會唔會再嘔番 d 藥先可以比 chloe 出院.....
但當佢再入番房時, 佢話同第2個醫生商量過, 因為 chloe 仲細, 而且佢發覺 chloe 個人已經乾, 驚 chloe 會繼續脫/缺水, 亦擔心 chloe 如果返左屋企不停咁嘔, 加上有燒, 醫生怕我地會唔識得照顧佢, 所以見議 chloe 入院留醫觀察.....
我一聽到醫生咁講, d 眼淚差 d 流落黎 , 但唔想嚇親 chloe, 所以都忍住, 醫生話要幫 chloe 照 x-ray (肺) 先送佢入院, 仲話已經安排左救傷車去東區 "由" 德醫院....我 d 眼淚又試差 d 流落黎喇
個醫生出左去安排時, 老公話唔想送 chloe 去 公立醫院, 所以佢話先同 chloe 去 st. paul 睇多次先.....
其間, chloe 嘔左好多次, 嘔到得番 d 痰同埋水咋
我地等 x-ray 張片出左黎後 (touch wood, 冇事) 我地同醫生講聲, 個醫生要我地簽紙就即刻去 st. paul .....
去到 st. paul, 睇左當值醫生, 醫生都話 chloe 脫/缺水, 又因為佢得3歲半, 基於太細, 為左穩陣起見, 見議 chloe 入院觀察, 同埋因為 chloe 係 st.paul 出世, 所以會即刻 call chloe 個兒科醫生返黎睇 chloe.....
好唔想聽到 "入院觀察" 呢句....但無奈都要接受, 因為見到 chloe 個樣真係好辛苦
老公幫 chloe 辦理入院手續後, 醫院 d 嬸嬸就帶我地去兒童病房喇......
過左一陣, 陳醫生到左病房, 又係問左一輪後, 都暫時斷定 chloe 係腸胃炎, 因為脫水, 所以要幫 chloe 吊鹽水.....
陳醫生交帶左姑娘後, 姑娘就帶 chloe 入一間房仔, 幫佢吊鹽水, 我想留底陪 chloe, 但姑娘話唔好喇, 怕我忍唔住, 仲叫我入番病房等.....
姑娘出黎叫我, 我見 chloe 喊得好犀利, 不停叫媽咪, 姑娘話個個都會喊, 所以我叫你唔好留係度陪小朋友就係咁解......我d 眼淚終於留左小小出黎但 chloe 因為太攰, 好快已經訓著喇, 連姑娘都話佢真係好攰.....
又因為 chloe 燒到 39度, 姑娘要幫 chloe 塞肛, 但 chloe 攰到完全唔知, 唔好話喊, 連一粒聲都冇出到
老公返屋企執 d 日常用品黎, 我就打電話通知 ruby 佢地同埋 亞 kat/joe.....
亞 kat 好有心, 佢話聽日幫我照顧 marcus, 叫我安心睇住 chloe, 亞 joe 都叫我有咩事即管同佢地講, 好好照顧 chloe ....唔該哂
ruby / ellen / karen 亦有打電話比我問候.....多謝哂
而 billy 亦幫我湊 marcus 到 st. paul .....唔該哂
marcus 到左醫院後, 好心急走去睇 chloe, 見到chloe 時, 佢仲有 d 眼濕濕 tim, 我叫佢唔駛擔心, 妹妹好快出院....
我亦打左電話比媽咪, 媽咪好緊張問 chloe有冇事, 我叫佢唔駛擔心.....
老公執左 d 日常用品黎醫院, 仲買左 d 野食比我食, 食完我就叫佢地返屋企喇, 因為我要留係醫院陪 chloe......
2008年6月21日 星期六
2008年6月20日 星期五
2008年6月19日 星期四
2008年6月17日 星期二
仲有2個星期就去日本喇
計計下仲有2個星期去日本喇 ....
咁快又一年, 舊年就去東京 + 北海道, 到而家仲好懷念係北海道駕車之旅
之前 marcus 考試停左一排冇準備, 而家考完哂試, 要 review 下個行程同埋開始睇下有咩要係香港做左先喇 ......
2008年6月16日 星期一
2008年6月15日 星期日
跟書學做麵包
曾經好耐好耐之前係出面學過做麵包, 原本學完之後想係屋企再整嘅, 不過.....過下又一日, 過下又一個月, 過下又一年, 過下又好多年 ..... 都已經冇咩意欲再整 lu 
前一排行開書局, 見到有本教人整麵包嘅書, 睇左幾版之後就決定買返屋企想試下做
呢本書都好容易明白, arm 哂我呢個新手啦
琴日去二德惠買定材料今日就試做喇 .....
都算小小成功嘅, marcus 話好好味 tim, 不過我同老公就覺得個包包比教淡味, 同埋唔夠出面麵包舖果 d 咁軟熟, 唔知出左咩問題呢 
1) 用中種方法搓好嘅粉糰, 待發酵 ...
2) 過左1個鐘已經發得好大喇.....
3) 差唔多2個鐘, 個粉糰已經又發大好多, 不過都好似冇繼續再發 .....
4) 加埋主粉糰再搓 ....
5) 混合搓好後要再等待發酵多一次.....
6) 差唔多 45分鐘左右已經發到有2陪大, 再將發好嘅粉糰分幾個小份待鬆軟, 10分鐘後, 每個小粉糰都變得好鬆軟好輕.....
7) 然後卷入腸仔/午餐肉再掃上蛋黃就可以入爐 .....
8) 已經聞到麵包香味 .....
9) 焗好喇 .....雖然仲有地方改善, 但都有小小成功感
下次又再試下先, 不過先要研究下 d 問題出左係邊度先
訂閱：
意見 (Atom)